Istanbul-(Puntland Mirror) Ugu yaraan 30 qof ayaa lagu dilay 94 qof oo kale in ka badana waa ay ku dhaawacmeen qarax ka dhacay munaasabad aroos oo ka dhacaysay gobolka koonfurta-bari ee Gaziantep ee dalka Turkiga.
Qaraxa oo dhacay shalay oo Sabti ahayd ayaa ahaa “mid argagixiso”, sida uu sheegay, Ali Yerlikaya, oo ah guddoomiyaha gobolka Gaziantep.
Mehmet Simsek, oo ah raysulwasaare ku xigeenka Turkiga ayaa u sheegay warbaahinta in qaraxa uu u muuqday inuu ahaa isbiimayn.
Madaxweynaha Turkiga Recep Tayyip Erdogan ayaa sheegay in kooxda ISIS (Daacish) ay u badantahay in ay masuul ka tahay qaraxaas.
“Dalkayga iyo qaranka oo dhan mar labaad bay hal fariin u dirayaan kuwa weerarada nagu haya: Ma guulaysan doontaan” sidaa ayuu yiri Erdogan.
Ma jirto cid si rami ah u sheegatay masuuliyada weerarkaas, marka laga tago eedaynta dowlada Turkiga.
Turkiga ayaa sanadadii u dambeeyay wajahayay weeraro argagixiso oo badan oo uu kamid ahaa kii bishii lasoo dhaafay ee Juun ka dhacay garoonka diyaaradaha caalamiga ee Ataturk ee magaalada Istanbul, oo ay ku dhinteen ugu yaraan 44 qof.
Related Posts
December 13, 2016 Hassan Sheikh confirm first session of parliament will take place on December 15
December 9, 2017 Raysulwasaaraha Soomaaliya: Xukuumadaydu uma dul qaadan doonto musuqmaasuqa
February 26, 2017 President Abdiweli expected to reshuffle his cabinet ministers
March 11, 2017 Puntland oo sii daysay nabadoon Cabdiqaadir Xarago kadib labo asbuuc oo xabsi ah
Be the first to comment