Boosaaso-(Puntland Mirror) Haayadaha amaanka gobolka Bari ee Puntland ayaa maanta oo Sabti ah soo bandhigay saddex sarkaal oo Al-Shabaab ah kuwaasoo ciidamada ay kusoo qabteen howlgalo ka dhacay gobolka Bari, sida ay sheegeen saraakiisha dowlada.
Saraakiisha lasoo qabtay oo katirsan kooxda Al-Shabaab ayaa magacyadooda yihiin, Axmed Aadan Cabdulaahi, Muuse Aadan Maxamed iyo Cabdulaahi Ibraahim.
Guddoomiyaha gobolka Bari Yuusuf Maxamed Wacays oo saxaafada la hadlay ayaa sheegay in saddexda sarkaal ee Al-Shabaab katirsan dhawaan la hor-geyn doono maxkamad.
Bishii lasoo dhaafay ee Juun, maxkamad Puntland ah ayaa 43 xubnood oo Al-Shabaab ku xukuntay dil toogasho ah kadib markii maxkamada ay ku heshay in ay ka qaybgaleen dagaalkii ciidamada dowlada Puntland iyo maleeshiyada Al-Shabaab dhexmaray bishii Maarso ee sanadkan.
Related Posts
August 27, 2016 Madaxweyne Cabdiweli oo magaalada Bursa ee Turkiga kula kulmay masuuliyiin meeqaam hoose
February 10, 2017 Trump oo ku guuldareystay maxkamada racfaanka isku day uu ku rabay soo celinta amarkiisii mamnuucida safarka todobo dal oo Muslim ah
August 20, 2017 Dowladda Soomaaliya oo taageertay xil ka qaadista madaxweynaha maamul goboleedka Hir-Shabeelle
December 18, 2017 Labo askari oo katirsan ciidamada canshuurta oo lagu dilay Boosaaso
Be the first to comment