Muqdisho-(Puntland Mirror) Xildhibaan hore oo ka tirsanaan jiray baarlamaanka dowlada federaalka Soomaaliya ayaa kamid ah naftood haligayaashii shalay oo Talaado ahayd isku-qarxiyay meel u dhow xarunta Amisom ee Muqdisho, sida ay sheegeen kooxda al-Shabaab.
Idaacada kooxda al-Shabaab u faafisa wararka ee Andalus ayaa sheegtay Saalax Badbaado inuu kamid ahaa nimankii isku-qarxiyay shalay Muqdisho.
Idaacada ayaa baahisay cod laga duubay Saalax Badbaado kahor inta uusan is-qarxin, wareysiga ayuu ku sheegay inuu rabo inuu is-biimeeyo.
Saalax Badbaado ayaa kamid ahaa xildhibaanadii dowlada federaalka Soomaaliya xilligii ay kumeel gaarka ahayd, isagoo xildhibaan ahaa muddo 10 –sanno ah. Kooxda al-Shabaab ayuu ku biiray sanadkii 2010-ka, isagoo ku eedeeyay dowlada xilligaas jirtay in aysan ku dhaqmin shareecada Islaamka.
Mudadii u dambaysay waxaa la sheegay Salaax inuu mu’adin ka ahaa masaajid kuyaala meelaha ay kooxda al-Shabaab gacanta ku hayso oo kutaala koonfurta Soomaaliya.
Ugu yaraan 15 qof ayaa ku dhimatay kadib markii labo gaari oo walxaha qarxa laga soo buuxshay lagu weeraray xarunta Amisom ee Xalane, Muqdisho, shalay oo Talaado ahayd.
Kooxda hubaysan ee al-Shabaab ayaa sheegatay masuuliyada weerarkaas. Kooxda ayaa dagaal kula jirta dowlada uu caalamka dabada ka riixayo ee Soomaaliya.
Related Posts
February 7, 2017 Shirkada isgaarsiinta Golis oo dhaqaale dhan $250,000 ugu deeqday gurmadka abaaraha Puntland
June 10, 2023 Ugu yaraan 9 qof oo ku dhimatay weerarka huteel Pearl Beach ee Muqdisho
April 9, 2017 India, China navies stop suspected Somali pirate attack on merchant vessel
June 8, 2021 TPEC says voter registration of early municipal elections concluded
Be the first to comment