Maalqabeenka Maraykanka ah Donald Trump ayaa xaqiijistay magacaabida xisbiga Jamhuuriga ee musharaxa Madaxweynaha Maraykanka kadib bilo uu olole adag soo galay.
Xisbiga Jamhuuriga oo shir weyne ku yeeshay magaalada Cleveland ee gobolka Ohio ayaa kalsooni buuxda siiyay Donald Trump kadib markii uu helay taageerada inta badan wefdiyadii gobolada ee ka qayb gashay shir weynaha xisbiga.
Donald Trump ayaa boogaadiyay kalsoonida uu ka helay xisbigiisa Jamhuuriga.
“Waa arrin aanan iloobi doonin…. Si wadajir ah ayaynu ugu guulaysan natiijadaas taariikhiga ah ee codaynta xisbiga Jamhuuriga ah…. Tani waa tilaabo horey loo qaaday, laakiin waa in aynu dhamaanteen hal jiho u soconaa.” Ayuu yiri Donald Trump.
Donald Trump wuxuu intaas ku daray inuu kalsooni ku qabo inuu ku guulaysan doono doorashada madaxtinimada Maraykanka isla markaasna uu isbadal samayn doona.
Doorashada madaxtinimada Maraykanka ayaa dhici doonta 8-da November ee sanadkan 2016-ka, waxaana ku tartami doona haweenayda kasocota xisbiga Dimuqraadiga ee Hillary Clinton iyo Donald Trump oo ah xisbiga Jamhuuriga.
Related Posts
June 10, 2016 Itoobiya oo sheegtay in ciidamadoodu ku dileen 101 dagaalyahan oo al-Shabaab ah gudaha Soomaaliya
February 26, 2022 Taliyaha booliiska Nugaal oo sheegay in ay diyaar u yihiin sidii ay uga hortagi lahaayeen weerarada Al-Shabaab
August 11, 2017 Qof qarax isku soo xiray oo ugu yaraan hal askari oo booliis ah ku dilay Muqdisho
September 7, 2016 Madaxweynaha DFS Xasan Shiikh Maxamuud oo soo saaray awaamiir ku saabsan habraaca shaqada dowlada xilliga doorashada
