Muqdisho-(Puntland Mirror) Madaxweynaha dowlada federaalka Soomaaliya Xasan Shiikh Maxamuud, Madaxweynaha dowlada Puntland Cabdiweli Maxamed Cali iyo Raysulwasaaraha dowlada federaalka Soomaaliya ayaa shacabka Muqdisho kala qaybgalay salaada Ciida Adxaha oo lagu oogay masjidka weyn ee Isbahaysiga Islaamka ee Muqdisho.
Sidoo kale waxaa salaada masjidka Isbahaysiga kala qaybgalay shacabka guddoomiyaha baarlamaanka Soomaaliya, Maxamed Shiikh Cusmaan Jawaari iyo saraakiil sare oo katirsan gollaha dowlada.
Madaxweyne Xasan Shiikh oo khudbad ka jeediyay masaajidka markii ay dhamaatay salaada Ciida, ayaa shacabka Soomaaliyeed ugu hambalyeeyay munaasabada Ciida Adxaha.
Xasan Shiikh ayaa ka hadlay arrimo la xiriira xaalada dalka ka jirta gaar ahaan dhanka amniga siyaasada iyo arrimaha bulshada.
Madaxweynaha ayaa ugu dambayn fariin u diray dhalinyarada ku jirta ururka Al-Shabaab, waxaana uu ugu yeeray in ay u soo laabtaan dadkooda oo ayna ka tanaasulaan afgaarta khaldan ee ay ku jiraan.
Related Posts
June 18, 2020 Mareykanka oo $17 milyan siinaya Soomaaliya si ay uga caawiso la dagaalanka coronavirus
January 25, 2021 Dagaal culus oo u dhaxeeya ciidamada Dowladda Federaalka Soomaaliya iyo kuwa Jubbaland oo ka socda Beled Xaawo
April 9, 2018 Mareykanka oo qaaday duqeyn labaad oo ka dhan ah kooxda ISIS ee ku sugan Puntland
March 13, 2022 Golaha Wasiiradda Soomaaliya oo ansixiyay miisaaniyad kumeelgaar ah saddex bilood ah
