Muqdisho-(Puntland Mirror) Tirada dhimashada ee qaraxyadii Muqdisho ayaa gaartay 50 qof, sida ay sheegeen ilo-wareedyo katirsan ciidamada booliiska iyo xarumaha caafimaadka.
Dadka ku dhaawacmay qaraxyadaas oo galabnimadii Jimcada ka dhacay Muqdisho ayaa ku dhow 100 qof.
Tirada dhimashada ayaa marba marka ka dambeysa kordhaysay sababtoo ah qaraxyada oo si xun u waxyeeleeyay dadka.
Intooda badan dadka ku waxyeeloobay qaraxyada ayaa ahaa dad shacab ah, sida ay wararku sheegayaan.
Qaraxyada oo ka koobnaa saddex gaari ayaa labo kamid ah lala beegsaday Huteel Saxafi, halka midka saddexaad uu ka dhacay wado mashquul badan oo u dhow huteelka.
Huteel Saxafi oo ah huteel caan ah oo kuyaala wadada KM4 ayaa dhowr jeer oo hore lala beegsaday qaraxyo.
Maleeshiyada Al-Shabaab ayaa sheegatay masuuliyada weerarkaas lala beegsaday Huteel Saxafi.
Related Posts
February 18, 2020 Mareykanka oo duqeyn ku burburiyay xarun ay Al-Shabaab ku lahayd magaalada Jilib
June 19, 2016 Xog: Dadkii ku dhintay gaari xamuul oo lagu qabtay xadka Zambia iyo Koonko oo aysan Soomaali ku jirin
July 20, 2017 Farmajo’s visit to Puntland delayed until next month
March 12, 2017 Wariye si xun ugu dhaawacmay qarax gaari oo ka dhacay Muqdisho
