Taliye ku xigeenkii hore ee booliiska Puntland oo loo magacaabay taliyaha la dagaalanka argagixisada

**Taliyaha cusub ee la dagaalanka argagixisada, Janaraal Muxiyadiin Axmed Muuse. [Sawirka: Puntland Mirror]**

Garoowe-(Puntland Mirror) Taliye ku xigeenkii hore ee ciidamada booliiska Puntland Janaraal Muxiyadiin Axmed Muuse ayaa loo doortay taliyaha la dagaalanka argagixisada, sida lagu sheegay digreeto uu arkay warsidaha Puntland Mirror oo kasoo baxday madaxtooyada Puntland 6-dii bishaan November.

Taliyaha cusub ayaa shaqadiisu noqon doontaa ka hortaga weerarada argagixisada iyo howlaha xagjireynta ah, sida ay sheegayaan ilo-wareedyada.

Janaraal Muxiyadiin ayaa ah nin ciidan ah oo adag, bartamihii bishii Maarso, waxa uu hoggaaminayay dagaalkii deegaanada Suuj iyo Garmaal ee gobolka Nugaal ku dhexmaray ciidamada Puntland iyo maleeshiyada Al-Shabaab.

Booskan taliyaha la dagaalanka argagixisada ayaa ah mid uu hadda sameeyay madaxweyne Cabdiweli Maxamed Cali, sida uu ogaaday warsidaha Puntland Mirror.