Garoowe-(Puntland Mirror) Golaha dhexe ee SSC-Khaatumo ayaa maanta oo Sabto ah hoggaamiye cusub u doortay Cabdulqaadir Axmed Axmed Cali oo loo yaqaan Firdhiye codeyn ka dhacday magaalada Laascaanood.
Golaha ayaa sidoo kale Maxamed Shiine u doortay hoggaamiye ku xigeen, sida uu ku dhawaaqay guddoomiyaha golaha dhexe ee SSC-Khaatumo Jaamac Yaasiin Warsame.
Doorashada hoggaanka cusub ayaa imanaysa iyadoo SSC-Khaatumo ciidankeedu ay todobadii bilood ee u dambeeyay dagaal dad badan ku dhinteen kula jireen ciidanka Somaliland, oo magaalada Laascaanood laga saaray dabayaaqadii bishii Febaraayo kadib 16 sanno oo ay xukumayeen.
Howlaha ugu horeeyay ee horyaala hoggaanka cusub ayaa waxaa kamid ah ka xoreynta maamulka Somaliland ee deegaanada SSC-Khaatumo, oo ay hadda kaga suganyihiin deegaanka Goojacade oo kuyaala duleedka Laascaanood.
Labada dhinac ayaa bishii Febaraayo dagaal ka dhex qarxay kadib go’aan ay soo saareen isimada SSC oo ugu baaqeen Somaliland in ay ciidankeeda kala baxdo goboladooda.
Madaxweyne ku xigeenka Puntland Axmed Karaash oo ka soo jeeda gobolka Sool ayaa u hambalyeeyay hoggaanka cusub ee SSC-Khaatumo, sida uu ku sheegay qoraal uu soo dhiggay boggiisa Facebook-ka.
Related Posts
January 5, 2020 Maleeshiyada Al-Shabaab oo weerar ku qaaday saldhig ciidan oo kuyaala Kenya
June 5, 2017 Ciidamada dowladda Soomaaliya oo isku diyaarinaya guluf si looga xoreeyo gobolka Shabeellaha Hoose Al-Shabaab
January 3, 2022 Shirka Golaha Wadatashiga Qaranka oo ka furmay Muqdisho
August 21, 2016 Qarax xaflad aroos u badalay murugo, ugu yaraan 30 qof oo ku dhimatay qaraxa oo ka dhacay Turkiga
Be the first to comment