Heshiiska lala galay Sonoran Policy Group (SPG) ayaa horaantii bishaan waxaa saxiixay Safiirka Soomaaliya u fadhiya Qaramada Midoobay Abuukar Cusmaan, halka SPG uu u saxiixay Christian Bourge, oo ah agaasimaha guud ee shirkada oo fadhigeedu yahay gobolka Arizona ee dalka Mareykanka.
Shirkadu waxay balanqaaday in ay diyaarineyso wadahadal lala yeesho masuuliyiinta Aqalka Cad iyo xildhibaanada ujeedkuna yahay in la dhammeeyo qeyb kamid ah xayiraada Mareykanku uu saaray Ciidamada Qaranka Soomaaliya.
Walaac ku saabsan musuqmaasuq baahsan ee ka dhex jira Dowladda Soomaaliya iyo milatariga Soomaaliya ayaa keenay in sanadkii lasoo dhaafay Mareykanku joojiyaan taageerada cunada iyo shidaalka ee ay siin jireen inta badan ciidamada Soomaaliya.
Heshiiska Soomaaliya ay la gashay SPG ayaa sidoo kale sheegaya in loo howlgalo in gacan laga geysto in Soomaaliya laga saaro liiska wadamada uu Trump mamnuucay.
Maxkamada Sare ee Mareykanka ayaa bishii lasoo dhaafay ee June taageertay xayiraada maamulka Trump ku soo rogay socdaalka muwaadiniinta shan wadan oo Muslim ah, oo ay ku jirto Soomaaliya.
SPG sidoo kale waxay gacan ka geysan doontaa mustaqbalka safar uu Mareykanka ku tagi doono Madaxweynaha Soomaaliya Maxamed Cabdullaahi Farmaajo, sida uu sheegayo heshiiska.
Heshiiska, kaasoo SPG siin doona lacag dhan $100,000 dollar bil kasta muddo afar bilood ah, ayaa waxaa kamid ah shaqooyin kale oo guud oo ay qaban doonto shirkadu si ay u hagaajiso sumcada Soomaaliya ay ku leedahay gudaha Mareykanka.
Related Posts
April 28, 2020 Daad ku fatahmay magaalada Qardho
January 1, 2017 Baarlamaanka cusub ee dowladda federaalka Soomaaliya oo doortay guddiga doorashada guddoomiyaha baarlamaanka
February 5, 2019 Shirkada DP World oo sheegtay in uu socdo baaritaan ku saabsan dilka madaxii dekada Boosaaso
January 11, 2017 Baarlamaanka Soomaaliya oo mar labaad guddoomiye u doortay Jawaari
Be the first to comment