Garoowe-(Puntland Mirror) Siyaasi Cabdi Xaaji Yuusf “Shuluco” ayaa ku dhaawacmay shil gaari oo ka dhacay shalay galab oo Khamiis ahayd duleedka magaalada Garoowe, sida ay warsidaha Puntland Mirror u xaqiijiyeen dhaqaatiirta caafimaadka isbitaalka guud ee Garoowe.
Shuluco ayaa shilka gaari ku galay deegaanka Buurwadal oo qiyaastii 30km dhinaca waqooyiga uga beegan magaalada Garoowe ee caasimada Puntland.
Dhaqaatiirta isbitaalka Garoowe ayaa Puntland Mirror u sheegay in siyaasiga xaaladiisa caafimaad ay aad u fiicantahay iyadoo dhaawac kasoo gaaray faraha adimada sidoo kalena dhaawac fudud uu ka gaaray madaxa.
Siyaasi Cabdi Xaaji Yuusf “Shuluco” ayaa ah siyaasi caan ah oo aad looga yaqaan Puntland iyo Soomaaliya, sanadkii 2008- da wuxuu kamid ahaa murashaxiintii madaxtinimada Puntland, kahorna wuxuu soo noqday wasiir Puntland ah, sidoo kalena Cabdi Shuluco ayaa jagooyin sare kasoo qabtay dowladii dhexe Soomaaliya ee Maxamed Siyaad Bare isagoo gaaray agaasime guud.
Related Posts
May 11, 2017 London Somalia Conference opens in London
October 17, 2017 Puntland oo gurmad u diri doonta Muqdisho
April 15, 2017 Diyaarado dagaal oo looga shaki qabo in ay Kenya leedahay oo duqeeyay xero milatari oo ay Al-Shabaab ku leedahay gobolka Gedo
September 24, 2017 Labo askari oo katirsan ciidanka Puntland oo lagu dilay weerar Al-Shabaab oo ka dhacay buuraha Galgala
Be the first to comment