Duqeynta oo ka dhacday deegaanka Daarul Salaam ee gobolka Shabeellaha Hoose ayaa lagu dilay sideed dagaalyahan oo Al-Shabaab ah, sida ay sheegeen Taliska Mareykanka ee Afrika (AFRICOM).
“Xubno katirsan ciidamada Mareykanka ayaa joogay iyada oo lagu jiray holwgal dhulka ah oo ahaa la talin dhanka tayada ah. Dhammaan xubnaha Mareykanka wax dhibbaato ah masoo gaarin,” ayaa lagu yiri bayaan kasoo baxay AFRICOM Talaadadii.
Mareykanka ayaa gudaha Soomaaliya waxaa ka jooga ku dhawaad 500 askari, kuwaasoo dhinaca la talinta ka caawiya ciidamada Soomaaliya.
Tan iyo sanadkii 2017, Washington ayaa kordhisay duqeymaha ka dhanka ah maleeshiyada Al-Shabaab ee ku sugan gudaha Soomaaliya.
Ugu yaraan 244 dagaalyahan oo katirsanaa Al-Shabaab ayaa lagu dilay 25 duqeymoood oo dhacay ilaa iyo sanadkan 2019, sida ay muujinayso tirakoob ay sii daayeen AFRICOM.
Sanadkii hore ee 2018, Mareykanka ayaa fuliyay 47 duqeymood oo ka dhan ah Al-Shabaab, waxaana lagu dilay 338 dagaalyahan.
Related Posts
July 9, 2016 Al-Shabab attacks police station in north-east Kenya
July 20, 2016 Ahead of Galkayo mayor election, Puntland President meets local council
September 1, 2018 Maxay yihiin ajandayaasha ugu waa-weyn ee shirka Kismaayo ee madasha maamul goboleedyada?
May 7, 2017 Somali government says it has killed Al-Shabab commander in Lower Shabelle region
