Muqdisho-(Puntland Mirror) Sargaal katirsan ciidamada nabadsugida Soomaaliya ayaa waxaa maanta oo Axad ah gudaha Muqdisho ku dilay dablay Al-Shabaab ah, sida ay sheegeen ilo-wareedyo dhanka caafimaadka iyo ammaanka ah.
Dablay katirsan Al-Shabaab oo watay gaari ayaa rasaas ku furay gaariga waday Maxamuud Xasan Macalin oo loo yaqaan Qooley gudaha degmada Dharkaynlay ee Muqdisho, sida ay sheegeen ilo-wareedyadu.
Qoolay ayaa loo qaaday isbitaalka balse mar dambe ayaa waxa uu u geeriyooday dhaawacyadii soo gaaray, sida ay sheegeen saraakiisha caafimaadka.
Labo kamid ahaa ilaaladiisa ayaa sidoo kale ku dhaawacmay weerarka.
Al-Shabaab ayaa sheegatay masuuliyada weerarkaas, sida ay baahisay idaacada afka Al-Shabaab ku hadasha ee Radio Al Andalus.
Related Posts
June 6, 2016 Soomaaliya oo qorshaynaysa lacag rasmiya oo ay leedahay in ay daabacdo bilowga sanadka soo socda
August 22, 2017 Rape cases reported in Shabelle IDP camp in Garowe town
December 31, 2016 Somalia’s newly lawmakers to meet in Mogadishu
July 23, 2018 Madaxweyne Cabdiweli oo Garoowe ku soo laabtay
