Istanbul-(Puntland Mirror) Saddex kamid ah askarta Turkiga ayaa la dilay afar kalena waa la dhaawacay intii lagu guda jiray isku dhac dhexmaray dagaalyahanada ISIS ee waqooyiga dalka Suuriya, sida ay sheegeen ciidamada qalabka sida ee Turkiga.
Khasaaraha soo gaaray askarta Turkiga ayaa ah kii kowaad oo ISIS kasoo gaara tan iyo markii Turkiga uu howlgalka militari ku qaaday gudaha Suuriya labo asbuuc kahor.
Bayaan ay soo saareen shalay oo Talaado ahayd, ciidamada militariga Turkiga ayaa sheegay canaasiir kamid ah ISIS in ay bartilmaameedsadeen labo kamid ah taangiyadooda oo ay ku dhufteen madfac meel u dhow magaalada Rai ee gudaha Suuriya.
Ciidamada ayaa bayaanka ku sheegay in saddex kamid ah askartooda ay ku dhinteen weerarkaas.
Turkiga ayaa markii kowaad taangiyadiisu waxa ay ka gudbeen xadka Suuriya bishii lasoo dhaafy ee Agoosto, si ay ula dagaalamaan dagaalyahanada kooxda ISIS iyo xoogaga Kurdiyiinta ee ku sugan gudaha Suuriya, kuwaasoo sheegtay masuuliyada weeraradii ugu dambeeyay argagixiso oo dhiig badan ku daatay oo ka dhacay gudaha magaalooyinka Turkiga.
Related Posts
September 14, 2024 FALSE: These images purportedly of 10,000 Egyptian troops in Mogadishu are not from 2024
March 15, 2017 British Foreign Secretary arrives in Mogadishu
September 4, 2021 How Climate Change is Affecting Weather Patterns
September 10, 2016 Saddex askari oo Turki ah oo ay ISIS ku dishay waqooyiga Suuriya
