Keliya waxaa la ogolaan doonaa ardayda Soomaaliyeed ee ka soo noqonaysa jaamacadaha la fasaxay ee dalka Itoobiya markii la cadeeyo aqoonsiga ardaynimadooda, ayaa lagu iri war-saxaafadeedka.
Sidoo kale waxaa la joojiyay keenista Qaadka gudaha Puntland, waxaana lagu amray ciidamada amniga dhammaan gobolada Puntland in ay tilaabo ka qaadaan wixii Qaad ah oo la soo geliyo gudaha Puntland.
Waxaa ganacstada Puntland lagu amray in ay joojiyaan iibka badeecadaha badan ee dibada uga baxaya Puntland si loo hubiyo in keydka cunto iyo badeecadaha nolosha daruuriga u ah loo hayo dadka Puntland ilaa dalalka xuduudahooda xirtay ee badeecaduhu ka imaan jireen ay xaaladoodu caadi ku soo noqonayso.
Dhammaan awaamiirta ayaa dhaqan geli doonta laga bilaabo maanta oo bishu tahay 28-ka Maarso, 2020, 6:00 PM maqribnimo.
Saddex kiis oo Covid-19 ah ayaa ilaa iyo hadda laga helay gudaha Soomaaliya, sida ay sheegtay Wasaarrada Caafimaadka Dowladda Federaalka Soomaaliya.
Related Posts
December 19, 2020 Tirada dadka ku dhintay qaraxii Gaalkacyo oo gaartay ilaa 14 qof
December 9, 2021 Dowladda Hoose Garoowe oo kaashanaysa shirkada korontada NECSOM oo bilowday mashruuc layrar loogu xirayo waddooyinka
March 10, 2019 Ma jirto cid ka badbaaday burburka diyaarada Ethiopian Airlines
July 30, 2019 Warshad samaysa tuubooyinka oo laga furay magaalada Garoowe
