Nabadoon Axmed Cumar Kaatum ayaa lagu caleemosaaray beer dalxiiseedka Darayle Resort Centre oo kutaala deegaanka Darayle oo qiyaastii 7-km dhanka koonfureed ka xiga caasimada Puntland ee Garoowe.
Hoggaamiye dhaqameed aad looga ixtiraamo gobolka Nugaal iyo Puntland oo dhan oo ay kamidyihiin Islaan Ciise Islaan Maxamed iyo Suldaan Siciid Maxamed Garaase iyo sidoo kale masuuliyiin katirsan dowladda Puntland oo ay ku jiraan wasiiro iyo xildhibaano ayaa ka qeybgalay munaasabada caleemosaarka nabadoonka cusub.
[wzslider autoplay=”true”]
Islaan Ciise iyo Suldaan Garaase oo munaasabada caleemosaarka ka hadlay ayaa soo dhaweeyay nabadoonka cusub iyaga oo Alle uga baryay in masuuliyada cusub ee loo wakiishay uu ku asturo.
Nabadoonka cusub ee la caleemosaaray oo hadal kooban goobta kasoo jeediyay ayaa sheegay in uu ka shaqayn doono nabada iyo horumarka dad-weynaha reer Nugaaleed iyo dhammaan Puntland oo dhan.
Ugu dambayn, munaasabada oo ahayd mid qurux badan oo si heer-sare ah loo soo agaasimay ayaa ku soo dhammaatay jawi degan iyo is marxabayn.
Related Posts
July 3, 2016 125 qof oo ku dhimatay qarax gaari oo ka dhacay caasimada Ciraaq
December 10, 2018 Banaanbax lagu taageerayo Madaxweyne Farmaajo oo ka dhacay Muqdisho
September 3, 2019 No weapon on plane at Qardo airport, Puntland civil aviation minister says
April 5, 2017 Puntland security forces to conduct raid in Garowe
Be the first to comment