Garowe-(Puntland Mirror) Golaha deegaanka degmada Gaalkacyo ayaa u doortay Maxamed Yaasiin Axmed “Tumay” duqa cusub ee magaalada.
Mr. Tumay ayaa ku gaaracay tartamihiisii ugu dhowaa Deeq Maxamuud Xaashi 24 cod intii lagu guda jiray wareega ugu dambeeya cod-bixinta.
Wareega saddexaad ayuu duqa cusub helay 24 cod, halka Deeq Maxamuud Xaashi uu helay 7 cod.
Waxaa doorashada ka qayb galay madaxweynaha Puntland Cabdiweli Maxamed Cali, xubno baarlamaanka ah, wasiiro iyo odayaasha dhaqanka oo iyagu soo xulay xubnaha golaha deegaanka ee wax doortay.
8-dii bishaan Juulay ayaa Madaxweynaha Puntland kala diray golahii deegaanka hore ee Gaalkacyo kadib waxqabad xumo lagu eedeeyay, wuxuuna guddoomiye ku meel gaara ah u magacaabay Maxamed Yaasiin Axmed oo maanta si rasmiya loogu doortay duqa degmada.
Tumay waa nin dhalinyaro ah oo aqoonyahan ah wuxuuna lasoo shaqeeyay xukumadii dowladii ku-meel gaarka ahayd ee Madaxweyne Cabdulaahi Yuusf Axmed wuxuuna kasoo shaqeeyay xafiiska madaxtooyada, kadibna wuxuu xoghaye kasoo noqday safaarada Soomaaliya ee dalka Belgium-ka.
Related Posts
August 25, 2016 Al-Sahabaab oo weerar ku qaaday maqaaxi kutaala xeebta Liido ee Muqdisho
January 28, 2018 Ciidamadda Puntland iyo Somaliland oo isku dhac ku dhexmaray meel u dhow Tukaraq
June 8, 2016 Guddoomiyihii ururka haweenka gobolka Mudug oo lagu dilay Gaalkacyo
January 17, 2022 Guddiga Hirgalinta Doorashooyinka heer Dowlad Goboleed ee Puntland oo soo saaray liiska guddiyada soo xulaya doorashahada shanta kursi
Be the first to comment