“Waxaan iclaamiyay siyaasadda xaddidaadda fiisaha sida waafaqsan Qeybta 212 (a) (3) (C) ee sharciga socdaalka iyo jinsiyadda si loo xaddido bixinta fiisaha kuwa la rumeysan yahay inay mas’uul ka yihiin, ama ay ku lug leeyihiin, wax u dhimaya geeddi-socodka dimuqraadiyadda Soomaaliya.” Ayaa lagu yiri bayaan ka soo baxay Waaxda Arrimaha Dibada Mareykanka.
“Soomaaliya waa in ay si degdeg ah u soo gebagebeyso doorashada baarlamaanka iyo madaxweynaha si hufan oo lagu kalsoonaan karo. Dowladda Mareykanka ayaa qiimeyn doonta tallaabooyin dheeri ah oo hoos yimaada siyaasaddan iyo agabka kale ee aan awoodno si aan kor ugu qaadno isla xisaabtanka iyo in aan taageerno geeddi-socodka dimoqraadiyadda Soomaaliya.” Bayaanka ku sii daray.
Tilaabadan ayaa imaanaysa kadib markii madaxda Soomaalida ay isku afgarteen in wakhtiga doorashada baarlamaanka la korshiyo ilaa 15-ka Maarso.
Ilaa iyo hadda in ka badan 100 xildhibaan ayaa la doortay oo kamid ah 275 xildhibaan ee Dowladda Federaalka Soomaaliya.
Related Posts
November 6, 2017 Madaxweynaha Puntland oo sheegay in hoggaamiyaha ISIS Cabdiqaadir Muumin uu weli noolyahay
July 4, 2016 Ugu yaraan afar qof oo ku dhimatay qarax ka dhacay banaanka hore masjidka Nabiga ee Madiina
October 18, 2016 Al-Shabaab oo weerar ku qaaday magaalada Afgooye oo ku dhow Muqdisho, ugu yaraan shan qof oo lagu dilay
October 29, 2022 Tobanaan qof oo laga cabsi qabo in ay ku geeriyoodeen qarax ka dhacay Muqdisho
