Qiyaastii 20 maleeshiyo ah ayaa lagu dilay duqeymaha Mareykanka ee gudaha Puntland ka dhacay, marka loo eego war-saxaafadeedyada kasoo baxay Taliska Mareykanka ee Afrika (AFRICOM).
Duqeynta sanadkan ee Mareykanka ee ka dhanka ah maleeshiyada ayaa bilaabmatay bishii April markaas oo hoggaamiye ku xigeenkii ISIS Cabdixakiin Dhuqub la dilay.
9-kii May, AFRICOM waxay sheegeen in 13 maleeshiyo oo ISIS ah ay ku dileen duqeyn ka dhacday Buuraha Golis ee Puntland, maalin kadib afar maleeshiyo ayaa lagu dilay isla deegaankaas.
Khamiistii, Mareykanka ayaa sheegay in labo maleeshiyo oo ISIS ah ay ku dileen duqeyn, taasoo ahayd weerarkii ugu dambeeyay ee ka dhan ah kooxda.
Falaanqeeyaasha ammaanka ayaa aaminsan in weerarada hawada ee Mareykanka ay culeys ku keeni karto maleeshiyada ISIS ee ku sugan gobolka.
“Dhab ahaantii, waxaan maleynayaa in duqeymahaan hawada ah ay saameyn balaaran ku keeni doonto xoriyada dhaqdhaqaaqa maleeshiyada, iyo qorsheynta weerarada argagixiso ee gudaha Puntland,” sidaa waxaa yiri Siciid Abshir Yuusuf oo ka faalooda arrimaha ammaanka..
Maleeshiyada ISIS ayaa kacdoonkeeda ka bilowday gudaha Puntland dhammaadkii sanadkii 2015 kadib markii ay ka go’day Al-Shabaab.
Tan iyo markaas, maleeshiyada ayaa weeraro badan oo ay ku jiran is-qarxin ka fulisay gudaha Boosaaso, oo ah magaalo ganacsiyeedka Puntland.
Maleeshiyada ayaa ku dhuumaneysa baadiyaha gobolka Bari waxaana la aaminsanyahay in ay heystaan dagaalyahano u dhaxeeya 150 ilaa 200.
Related Posts
November 12, 2016 Taliyaha ciidamada booliiska Puntland oo xilkii ka qaaday taliyihii booliiska qeybta gobolka Nugaal
February 26, 2017 Cabdikariim Xuseen Guuleed oo arrimo caafimaad isaga casilay madaxweynenimada maamulka Galmudug
March 18, 2017 Soomaaliya oo ku eedaysay xulufada Sucuudi Caraabiya hoggaamiyo duqeyn loo geystay dooni oo ay ku dhinteen qaxooti Soomaali ah
August 17, 2024 UN takes key steps toward Somalia’s takeover of its own security
Be the first to comment