Muqdisho-(Puntland Mirror) Maleeshiyada al-Shabaab ayaa weerar ku qaaday maanta oo Isniin ah saldhig ay leeyihiin ciidamada Soomaaliya oo ku yaala koonfurta galbeed ee Muqdisho.
Sarkaal katirsan ciidamada militariga Soomaaliya oo la hadlay wakaalada wararka Reuters ayaa sheegay in hub culus la isku adeegsaday muddo saacado ah, isagoo intaas ku daray in 12 kamid ah dagaalyahnada al-Shabaab la dilay.
Maleeshiyada ayaa weerarka u adeegsatay gaari walxo qarxa laga soo buuxshay oo ay ku qarxiyeen saldhiga, sida uu sheegay sarkaalka.
Afhayeenka al-Shabaab ee dhanka howlgalada militariga, Cabdicasiis Abu Muscab ayaa wakaalada Reuters u sheegay in ay weerarka ku dileen 30 askari. Ma uusan sheegin khasaaraha al-Shabaab dhankooda soo gaaray.
Al-Shabaab ayaa badanaa buunbuunisa tirada dhimashada, halka saraakiisha dowlada Soomaaliya aysan sheegin tirada khasaaraha ee dhabta ah.
Related Posts
February 26, 2017 Ciidamadii gadoodsanaa ee Puntland oo ka baxay xarunta baarlamaanka
January 16, 2021 Guddiga dowladda loo xilsaaray xalinta qiima dhaca Shillin Soomaaliga gudaha Puntland oo soo saaray awaamiir cusub
November 27, 2017 Xoghayihii dowladda hoose ee degmada Garoowe oo shaqada laga ceyrshay
September 2, 2020 Madaxweyne Farmaajo oo wadahadal la yeelan doono madaxda Puntland iyo Jubbaland
