Shirka ayaa ka dhici doona Muqdishi 17ka ilaa 18ka Sebteembar, 2018, sida lagu sheegay bayaan kasoo baxay xafiiska madaxtooyada Villa Soomaaliya.
“Dowladda Federaalka Soomaaliya waxay adkeynaysaa in xal u helista arrimaha masiiriga ah ee dalka ay tahay mid u taalla Soomaalida, iyada oo loo marayo hab ku saleysan wadatashi, isu tanaasul iyo ilaalinta danta guud oo ah waajib saaran dhammaan madaxda qaranka, heer Federaal iyo heer Dowlad Goboleed.” Ayaa lagu sheegay bayaanka.
Tilaabada Madaxweyne Farmaajo ayaa timid saacado kadib markii Madasha Dowlad Goboleedyada ay sheegeen in ay hakiyeen wadashaqeyntii Dowladda Federaalka kadib shir maalmihii u dambeeyay uga socday magaalada Kismaayo.
Waxay ku eedeeyeen in Dowladda Dhexe ay meelmarin weyday heshiisyadii iyo balamihii horey loo galay, iyo in ay farogelin ku heyso arrimaha gudaha ee maamul goboleedyada.
Related Posts
February 25, 2017 Puntland’s director of the Presidency resigns
July 6, 2017 Wasaaradda Amniga Soomaaliya oo shirkadaha ilaalada gaarka loo leeyahay ku amartay in ay is diiwaan gashaan
November 12, 2016 Qarax lala eegtay saldhiga diyaaradaha Mareykanka ee gudaha Afkaanistaan
November 7, 2016 Xasan Shiikh oo kasoo horjeestay in dowladda federaalka ay hurinayso dagaalka Gaalkacyo
