Isaga oo Sabtidii kahadlayay munaasabada xarig ka jarka keydka haamaha shidaalka ee garoonka diyaaradaha Garoowe, Madaxweynaha Puntland Siciid Cabdullaahi Deni ayaa sheegay in xagaaga soo socda ay u qorsheysantahay in la qabto shir weyne ku saabsan maalgashiga.
“Waxaan xagaagga soo socda sameyn doonaa shir weyn oo looga hadlayo maalgashiga oo aan rabno in aan ku soo bandhigno shuruucaha iyo waxyaabaha aan isla neenahay waa fursado ka banaan maalgashiga,” ayuu yiri madaxweynuhu.
“Waxaan ku dhiirigelinaynaa ganacsatada Soomaaliyeed iyo cidii kale oo daneynaysa dalkuu rabo ha u dhashee waxaan rabaa in aan si gacmo furan oo fudud ugu soo dhaweyno weliba aysan caqabadaad la kulmin.” Ayuu ku sii daray.
Deni oo bishii Janaayo ee sanadkan 2019 loo doortay madaxweynaha Puntland ayaa xilligii ololihiisa balanqaaday in uu kor u qaadi doono dhaqaalaha iyo maalgashiga Puntland.
Puntland oo la asaasay sanadkii 1998, muddo sannooyin ahna ku laaloonaysay amni iyo xasilooni marka la barbardhigo koonfurta Soomaaliya, ayaan weli soo jiidan maalgashadayaal caalami ah oo gobolka maalgelin ka sameeya.
Related Posts
June 4, 2016 Tunisia thrash Djibouti in AFCON qualifiers
September 22, 2016 Former Somali President arrives in Mogadishu amid media ban
January 6, 2017 Ciidamada dowladda Soomaaliya oo ugu yaraan shan dagaalyahan oo Al-Shabaab ah ku dilay gobolka Bay
May 13, 2018 Madaxweyne Farmaajo oo u safray Qatar
Be the first to comment