Muqdisho-(Puntland Mirror) Madaxweynaha dowlada federaalka Soomaaliya Xasan Shiikh Maxamuud ayaa si weyn u cambaareeyay weerarkii ka dhacay garoonka diyaaradaha Istanbul kaasoo ay ku dhinteen dad gaaraya 36 qof.
“Dhabtu waxay tahay argagixisada waxay bartilmaameedsanayaan dadka birimagaydhada ah si waxshinimo ah oo aan loo dulqaadan Karin waxayna calaamad weyn u tahay dadnimo xumadooda” ayuu bayaan ku yiri Madaxweynaha Soomaaliya.
Madaxweynaha ayaa caalamka ka codsaday in loo midoobo dagaalka ka dhanka ah argagixisada.
“Dowlada Soomaaliya waxay haysaa howl adag si loo horjoogsado argagixisada xuduudaheena iyo kuwa kale ee gobolka. Argagixisada waa khatar caalami ah taasoo si weyn u saamaysay dadka shacabka ah ee Soomaaliyeed iyo kuwa Turkiga. Tani waa khatar caalami ah taasoo u baahan jawaab caalami ah oo midaysan”.
Madaxweyne Xasan ayaa sidoo kale tacsi u diray hoggaamiyaha dowlada Turkiga iyo qoysaskii ay dhibaatada kasoo gaartay weerarka garoonka diyaaradaha Istanbul.
“Waxaanu dhinac taaganahay walaalahayo dadka iyo dowlada Turkiga. Waxaanu ka murugaysanahay dhibaatada idiin soo gaartay. Waxaan tacsi kal iyo laab ah u dirayaa qoysaskii iyo asxaabtii ay saamaysay dhibaatada,” ayuu yiri Madaxweyne Xasan.
Soomaaliya iyo Turkiga ayaa leh xiriir wanaagsan. Tan iyo sanadkii 2011-ka Soomaaliya waxay noqotay dalka saddexaad oo ka faa’idaysta deeqaha horumarinta ee dalka Turkiga uu bixiyo.
Related Posts
March 25, 2020 Labo qof oo ku dhimatay qarax is-miidaamin ah oo ka dhacay Muqdisho
October 26, 2016 Al-Shabab seizes Tiyeglow town after Ethiopian troops pull out
February 12, 2017 Somali central bank governor say his government plans to print official banknotes
May 10, 2018 Puntland oo 17 maxaabiis ah oo u dhashay Iran xabsi ka sii daysay
