Madaxweynaha Puntland oo shaqada ka ceyrshay saraakiil katirsan ciidamada

Bayaanka ayaa lagu sheegay in saraakiisha ay ku xadgudbeen anshaxa ciidamada Puntland.

Magacyada saraakiisha la ruqseeyay ayaa kala ah:

1. G/Sare Jaamac Axmed Maxamer (Luujito)

2.G/Sare Maxmed Cali Qase

3. G/Sare Maxamed Ducaale Maxamuud (Ayax)

4. G/Sare Cabdirsaaq Aadan Cali (Dhancad)

5. G/Dhexe Cabduqaadir Jaamac Cabdi (Dhalo muro)

6. G/Le Maxamuud Cali Xirsi ( Afgaab)

7. Dhame Cumar Aadan Cabdi (Boolo Boolo)

Sidoo kale, bayaan kale oo kasoo baxay xafiiska madaxweynaha ayaa Axmed Cabdullaahi Samatar oo loo yaqaan Layli looga ceyrshay shaqada ciidamada booliiska, isaga oo sidoo kale lagu eedeeyay in uu ku kacay falal lidi ku ah jiritaanka Puntland iyo anshaxa ciidanimo.

Layli iyo saraakiisha kale ee la ruqseeyay ayaa dhawaan shir jaraaid oo ay ku qabteen Garoowe ku muujiyay taageero ay u hayaan Dowladda Federaalka Soomaaliya.