Madaxweynaha iyo wefdigiisa ayaa duleedka magaalada ku soo dhaweeyay masuuliyiin ka socotay maamulka gobolka Mudug, iyo kan degmada Gaalkacyo, nabadoono, iyo qeybaha kale ee bulshada.
“Runtii waan ku faraxsanahay inaan Gaalkacyo soo gaaro, waan uga mahadcelinayaa cid kasta oo ka qayb qaadatay soo dhoweyntayada, waxaan rajaynayaa mudada aan halkan joogno inaan kulamo qaadandoono, waxaanna iska waraysandoonnaa dalka horumarkiisa iyo mustaqbalkiisa.” Ayuu yiri madaxweynaha oo hadal kooban jeediyay markii uu gaaray halkaas.
Madaxweyne Deni ayaa xariga ka jaray xarunta cusub ee madaxtooyada Puntland ee magaalada Gaalkacyo, isaga oo ku aamanay madaxweynihii hore Cabdiweli Maxamed Cali hirgalinta xaruntaas.
“Waxaan ku faraxsanahay inaan xarigga ka jarno qasriga Madaxtooyada Gaalkacayo, waxaan marka hore uga mahadcelinayaa Dr. Cabdiweli Maxamed Cali Gaas oo runtii aasaaskeedii iyo hirgelinteedii lahaa.” Ayuu yiri.
Waa markii ugu horeysay oo Deni uu safar ku tago magaalada Gaalkacyo tan iyo markii uu xafiiska qabtay bishii Janaayo ee sanadkan.
Related Posts
August 21, 2016 Qarax xaflad aroos u badalay murugo, ugu yaraan 30 qof oo ku dhimatay qaraxa oo ka dhacay Turkiga
April 27, 2019 Madaxweynaha Puntland oo Garoowe ku soo laabtay kadib safaro uu ku tagay Imaaraatka Carabta iyo Kenya
October 3, 2016 Xasan Shiikh Maxamuud oo magaalada Baydhabo u tagay arrimo olole
October 12, 2016 National armed forces to deploy into Galkayo, Somalia’s minister of information appeals
Be the first to comment