Garoowe-(Puntland Mirror) Madaxweynaha dowlada Puntand Cabdiweli Maxamed Cali iyo wefdi uu hoggaaminayo ayaa maanta dib ugu soo noqday caasimada Puntland, Garoowe.
Madaxweynaha iyo wefdigiisa ayaa waxaa garoonka kumeel gaarka ah Kanoonko ee duleedka Galbeed Garoowe kusoo dhaweeyay Madaxweyne ku-xigeenka dowlada Puntland Cabdixakiin Cumar Camay, wasiiro, xildhibaano iyo saraakil kale oo dowlada ah.
Madaxweyne Cabdiweli ayaa saxaafada maxaliga ah kula hadlay xarunta madaxtooyada Puntland, Madaxweynaha ayaa sheegay in uu magaalada Baydhabo kaga qayb galay shirkii madasha wadatashiga qaranka kaas oo lagu dhammaystirayey hawlaha qaybyada ah ee la xiriira arrimaha doorashooyinka.
Sidoo kale Madaxweynuhu waxa uu sheegay in shirkaasi uu guul kusoo dhammaaday isla markaana uu rajeynayo in waqtiga yar ee dhiman wax waliba sidii loogu talo galay ay kusoo dhammaadaan iyadoo la filayo in ay dalka ay ka qabsoonto doorasho ka wanaagsan middii qabsoontay 2012-kii.
Related Posts
November 22, 2017 Mareykanka oo sheegay in uu duqayn ku dilay in ka badan 100 maleeshiyo oo Al-Shabaab ah
September 24, 2018 Askari katirsan ilaalada madaxtooyada Puntland oo niman hubeysan oo aan la garanayn ku dileen Boosaaso
August 6, 2016 Urur goboleedka IGAD oo isku raacay in ciidamo loo diro dalka Koonfurta Suudaan
January 13, 2020 Madaxweynaha Soomaaliya oo dalka Cumaan ugu safray ka qeybgalka tacsida Suldaan Qaaboos
