Boosaaso-(Puntland Mirror) Madaxweynaha dowlada Puntland Cabdiweli Maxamed Cali iyo wefdi uu hoggaaminayo ayaa maanta kusoo laabtay magaalada Boosaaso kadib booqasho afar maalmood qaadatay oo uu ku tagay dalka Isutaga Imaaraatka Carabta.
Madaxweynaha ayaa hadal kooban oo uu saxaafada siiyay ku sheegay in uu ku tagay magaalada Abu-Dhabi safar shaqo oo la xiriira danaha Puntland.
“Waxaanu safar shaqo ku tagnay Magaalada Abu-dhabi halkaas oo aanu kula kulanay qaar kamid ah madaxda dalkaasi iyo shirkado ganacsi oo danaynaya inay maalgashadaan Puntland,” ayuu yiri Madaxweyne Cabdiweli.
Wadanka Isutaga Imaaraatka Carabta ayaa taageero Puntland ka siiya dhaqaalaha ku baxa ciidamada la dagaalanka burcadbadeed ee PMPF kuwaas oo kaalin weyn ka qaatay amaanka xeebaha Puntland tan iyo markii la asaasay sanadkii 2010.
Related Posts
September 5, 2016 Somali Premier declares his presidential bid
January 16, 2020 Madaxweynaha Jubbaland oo yimid Boosaaso
October 30, 2017 Puntland oo sheegtay in aysan jirin in lacag lagu kordhiyay ganacsatada isticmaasha dekada Boosaaso
August 14, 2016 U.S Special Forces kill 30 Al-Shabaab militants in southern Somalia
Be the first to comment