Khilaafka u dhaxeeyay Madaxweyne Siciid Cabdullaahi Deni iyo ku xigeenkiisa Axmed Cilmi Cusmaan ayaa si rasmi ah loo soo afjaray kadib dadaalo dhex-dhexaadin ah oo ay hormuud u ahaayeen isimada Puntland, sida lagu sheegay bayaan ka soo baxday madaxtooyada.
“Kulanka ayaa looga hadlay kawada shaqeynta midnimada, amniga iyo horumarka Puntland waxaana lagu guuleystay in meesha laga saaro kala aragti duwanaan dhinaca maamulka iyo shaqada ah oo u dhexeysay Madaxweynaha iyo Madaxweyne ku-xigeenka.” Ayaa lagu yiri bayaan ka soo baxay madaxtooyada.
Khilaafka u dhaxeeya Madaxweyne Siciid Cabdullaahi Deni iyo ku xigeenkiisa Axmed Cilmi Cusmaan ayaa soo socday asbuucyadii u dambeeyay, waxaana uu si rasmi ah u soo ifbaxay markii madaxweyne ku xigeenka uu wareysi uu BBC Soomaali siiyay ku sheegay in isaga iyo madaxweynaha khilaafka u dhaxeeya uu gaarsiisanyahay in aysan isa salaamin.
Axmed Cilmi Cusmaan oo loo yaqaan Karaash ayaa dhawaan qaadacay digreeto ka soo baxday xafiiska madaxweynaha oo isku shaandhayn kooban lagu sameeyay golaha wasiiradda.
Isimada Puntland ayaa ah marjaca ugu weyn markii ay timaato khilaaf noocaan oo kale. Puntland oo la asaasay sanadkii 1998 ayaa siyaasadeedu weli ku dhisantahay awood qeybsiga beelaha.
Related Posts
June 7, 2016 Ugu yaraan 11 qof oo ku dhimatay qarax ka dhacay Istanbuul
April 19, 2020 Puntland oo xaqiijisay kiiskeedii ugu horeeyay ee coronavirus
October 21, 2017 Wasiirka Amniga Soomaaliya oo sheegay in dowladdu ay soo bandhigi doonto faahfaahinta qaraxii Muqdisho
March 13, 2017 Qarax ka dhacay caasimada dalka Afghanistan ee Kabul oo dilay ugu yaraan hal qof
Be the first to comment