Islamabad-(Puntland Mirror) Madaxweynaha dalka Pakistan Mamnuun Xuseen ayaa waraaqaha aqoonsiga ka guddoomay safiirka cusub ee Soomaaliya u fadhiyi doona dalkaas Khadiija Maxamed al-Makhsuumi.
Qaabiilaada safiirada cusub ee Soomaaliya ayaa si heer sare ah loo maamuusay, iyadoo cutubyo katirsan ciidamada Pakistan ay salaam siiyeen safiirada ayna u garaaceen astaanta dalka Soomaaliya.
Safiirada cusub oo ku labisan dharka dhaqanka Soomaalida ayaa lagu qaaday gaariga faraska oo ah hab maamuuseed sare oo loo sameeyo dibloomaasiyiinta la kulma Madaxweynaha dalkaas.
Khadiija Maxamed al-Makhsuumi ayaa horey u soo noqotay safiirada Soomaaliya u fadhida dalka Ciraaq.
Dalalka Pakistan iyo Soomaaliya ayaa ah labo wadan oo Islaam ah oo ka wada tirsan ururka iskaashiga Islaamka, sidoo kalena leh xiriir taariikhi ah.
Ganacsiga u dhaxeeya labada dal ayaa lagu qiyaasaa inuu ku kaco malaayiin dollar sanad walba.
Ugu dambayna, tirakoob la sameeyay dhawaan ayaa sheegaysa in ilaa 3,000 oo Soomaali ah ay ku nooshahay dalkaas kuwaasoo badankood arday ah halkaas wax-kabarta.
Related Posts
January 6, 2019 Musharixiin ka tanaasushay tartanka madaxweynaha Puntland
November 25, 2017 Sucuudi Caraabiya iyo xulufadiisa oo liiskooda argagixisada ku daray hoggaamiyihii hore ee maleeshiyada Al-Shabaab ee Galgala
November 12, 2016 Qarax lala eegtay saldhiga diyaaradaha Mareykanka ee gudaha Afkaanistaan
October 8, 2016 Puntland oo ku dhawaaqday liiska u tartamayaasha aqalka sare ee dowlada federaalka Soomaaliya
Be the first to comment