Madaxweynaha dowladda Puntland oo dib u fasaxay doorashada xildhibaanada aqalka hoose kadib markii madaxweyne ku xigeenka joojiyay

**Madaxweynaha dowladda Puntland, Cabdiweli Maxamed Cali. [Sawirka: xafiiska warfaafinta madaxtooyada Puntland]**

Garoowe-(Puntland Mirror) Madaxweynaha dowladda Puntland, Cabdiweli Maxamed Cali ayaa joojintii ka qaaday doorashada Garoowe ka socota ee xildhibaanada aqalka hoose, taasoo daba socotay amar uu madaxweyne ku-xigeenka Puntland soo saaray Isniintii oo uu ku joojiyay doorashada, sida ay xubin katirsan guddiga doorashooyinka dadban ee heer Puntland u sheegeen Puntland Mirror.

Madaxweyne ku xigeenka Puntland, Cabdixakiin Cumar Camay, ayaa Isniintii lasoo dhaafay soo saaray digreeto uu ku joojinayo doorashada xubnaha aqalka hoose, iyada oo uu sheegay in uu ku diidanyahay sida loo qeybiyay qoondada qabiilooyinka Sool iyo Sanaag ee xubnaha aqalka sare ee maamulka Somaliland u matalaya dowladda federaalka Soomaaliya.

Sida xubin katirsan guddiga doorashooyinka ee heer Puntland u sheegeen Puntland Mirror, hanaanka doorashada ayaa sii socon doonta maalmaha soo socda, ilaa iyo hadda 22 xildhibaan ayaa lasoo doortay iyadoo tirada xildhibaanada Puntland u matali doona aqalka hoose ee Soomaaliya ay yihiin 37 xildhibaan.

January 3, 2017 Ugu yaraan 19 qof oo ku geeriyooday dagaal cusub oo ka dhacay dalka Yeman oo u dhaxeeya falaagada Xuutiyiinta iyo xoogaga taabacsan dowladda
October 4, 2017 Madaxweyne Farmaajo oo u safray dalka Suudaan
July 9, 2017 Puntland will prevent cash money from central Somalia, governor says
June 6, 2017 Diyaarada Qatar Airways oo isticmaalaysa hawada Soomaaliya

About Puntland Mirror 876 Articles

Puntland Mirror is a website news provider based in Puntland’s capital, Garowe, Somalia. Puntland Mirror is an independent online source providing you the latest update stories from Puntland, Somalia and around the World.