Madaxweyne Cabdiweli ayaa shan kamid ah saraakiisha u dallacsiiyay labo xiddiglayaal halka mid kalena uu u dallacsiiyay hal xiddigle.
Madaxweynaha ayaa hadal ka jeediyay munaasabada dallacsiinta saraakiisha oo lagu qabtay guriga madaxweynaha ee magaalada Gaalkacyo ayaa uga mahadceliyay saraakiisha sida ay u soo dhammaysteen tababarkii loo diray labo sanno kahor, wuxuuna kula dardaarmay in ay kasoo baxaan masuuliyada ka saran dadka iyo dalka iyo sidoo kalena ay ka qaybgalaan difaaca dhulka iyo dadka Puntland.
Dhankiisa, taliyaha guud ee ciidamada difaaca Puntland, Janaraal Siciid Maxamed Xirsi oo loo yaqaan (Sciid Dheere) oo ka qaybgalay munaasabada dallacsiinta saraakiisha ciidamada ayaa sheegay in ay usoo dhabar adaygeen tababar adag oo ay soo qaateen oo mudo labo sanno ah uga socday kulliyadda Mojor General Hayllom Araya ee dalka Itoobiya, isla markaana wixii hada ka danbeeya laga sugayo in ay dadka iyo dalka ugu shaqeeyaan aqoonta ciidan ee ay soo qaateen.
Ciidamada Daraawiishta Puntland oo ah ciidan milatari ah ayaa la asaasay sanadkii 1998-dii oo ahaa xilligii la dhisay dowladda Puntland, mudadii ay jireen ciidamada ayaa waxay gobolada Puntland ka difaaceen cadowyo kala duwan oo duulaan kusoo qaaday.
Related Posts
August 7, 2016 Somali minister of sports survives bomb attack in Mogadishu
March 22, 2018 Ugu yaraan 14 qof oo ku dhimatay qarax gaari oo ka dhacay Muqdisho
August 6, 2017 Puntland forces arrest journalist in Garowe
September 15, 2017 Juha in Jowhar to attend Hir-Shabelle’s presidential election
Be the first to comment