Gaalkacyo-(Puntland Mirror) Madaxweynaha dowlada Puntland Cabdiweli Maxamed Cali ayaa dhalashada bisha Shawaal ee Ciida Fidriga ugu hambalyeeyay dhamaan Muslimiinta caalamka gaar ahaan shacab weynaha reer Puntland.
Madaxweynaha ayaa guud ahaan ummadda Soomaaliyeed Eebbe uga baryey in ay ku ciidaan farxad iyo nabad gelyo isla markaana ay is cafiyaan isuguna hambalyeeyaan farxadda maalinta barakaysan ee ciidul firiga.
“Ciid mubaarak ciid mubaarak ciid mubaarak, waxaan idiin rajeynayaa indinka, xaasaskiina, carruurtiina iyo eheladiina meel walba oo aad joogtaan in aad ku ciidaan ciid wanaagsan oo nabadgelyo leh.
Madaxweynaha ayaa sidoo kale Eebbe uga baryey guud ahaan ummadda Soomaaliyeed inuu ka aqbalo Soonkii ay Soomeen, intii dhimatayna uu ugu naxariisto fadliga Soonka awgii, sannakaan sannadkiisana uu ku gaarsiiyo bash-bash iyo barwaaqo.
Bisha Shawaal ayaa laga arkay qaybo kamid ah wadamada caalamul Islaam iyo Soomaaliya iyadoo beri oo Arbaco ah si rasmiya loo ciidi doono.
Related Posts
August 14, 2017 Baarlamaanka Hir-shabeelle oo ceyriyay madaxweynihii maamulkaas
November 15, 2016 Madaxweynaha Puntland oo kulan la qaatay guddiga ay dowladda u wakiilatay wadahadalada colaada Gaalkacyo
April 7, 2024 Raysulwasaare Xamse oo iskushaandhyan kooban ku sameeyay golaha wasiiradda
October 25, 2018 Shirkii madasha maamul goboleedyada Soomaaliya oo la soo gabagabeeyay –War-murtiyeed
