Madaxweynaha ayaa garoonka diyaaradaha waxaa ku soo dhaweeyay masuuliyiinta Puntland oo uu hoggaaminayo Madaxweyne Siciid Cabdullahi Deni.
Safarka madaxweynaha Soomaaliya ayaa ujeedkiisu yahay sidii uu wax uga ogaan lahaa xaaladaha abaarta ee ka jirta Puntland iyo wada shaqeynta dowladda dhexe iyo Puntland, sida lagu sheegay war-saxaafadeed kasoo baxay Villa Somalia.
“Safarka Madaxweynaha Jamhuuriyadda Federaalka Soomaaliya Mudane Xasan Sheekh Maxamuud ee Puntland ayaa ku qotoma u kuur-galidda xaaladda abaaraha deegaannada Puntland, dardargelinta dib-u-heshiisiinta, xoojinta wadashaqeynta heer federaal iyo heer dowlad-goboleed iyo dhageysiga talooyinka la xiriira dowladnimada ee ay qabaan bulshada Puntland.” Sidaa ayaa lagu yiri war-saxaafadeedka.
Safarkan ayaa ah kii ugu horeeyay ee Xasan Shiikh ku yimaado Puntland tan iyo markii la doortay 15-kii May. Waxaa la filayaa in uu kulamo la qaato madaxda Puntland iyo bulshada qeybaheeda kala duwan, sida lagu sheegay war-saxaafadeedka.
Related Posts
December 3, 2019 Duufaan lagu magacaabo Pawan oo la sadaaliyay in ay ku dhufan doonto xeebaha waqooyi ee Soomaaliya
February 21, 2021 Duulimaadyada caalamiga ah oo dib uga bilaabmay garoonka diyaaradaha Muqdisho
July 23, 2017 Madaxweynaha Turkiga oo safar ku tagay Sucuudiga si uu gacan uga geysto khilaafka Khaliijka
June 17, 2019 Madaxweynihii hore ee dalka Masar Maxamed Mursi oo ku geeriyooday maxkamad dhexdeed
