Labada dagaalyahan ayaa waxaa lagu qabtay howlgal ay si wada jir ah u qaadeen Ciidamada Sirdoonka Puntland ee (PIA) iyo Haayada la dagaalanka Argagixisada Puntland, sida uu sheegay sargaal dhanka ammaanka ah oo codsaday in aan magaciisa la sheegin sababtoo ah looma ogola in uu warbaahinta la hadlo.
“Waxaanu ku qabanay howlgal ay si wada jir ah u qaadeen Ciidamada Sirdoonka Puntland ee (PIA) iyo Haayada la dagaalanka Argagixisada Puntland oo ka dhacay gudaha magaalada Garoowe afar maalmood kahor.” Ilo-wareedka ayaa sidaas yiri.
Labada dagaalyahan ayaa kasoo qeybgalay dagaalo ka dhacay koonfurta Soomaaliya, balse iyagu waxay kasoo jeedaan Puntland, ilo-wareeka ayaa intaas ku daray.
Sawir gaar ah oo uu helay Puntland Mirror ayaa muujinaya mid kamid ah nimanka oo ay ciidamadu indhaha ka xireen.
Sanadihii lasoo dhaafay, maleeshiyada ayaa weeraro dhimasho leh ka geysatay gudaha magaalooyinka waa-weyn ee Puntland.
Ciidamada Puntland ayaa maleeshiyada kula dagaalamaya gudaha Buuraha Galgala ee gobolka Bari.
Related Posts
December 29, 2016 Madaxweynaha Puntland oo Boosaaso ku socda
August 15, 2018 40 sanno kadib duulimaadkii diyaadareed ee ganacsi oo isku xira Muqdisho iyo Addis Ababa oo bilaabmi doona asbuuca soo socda
October 31, 2016 Wasiirka amniga DFS oo sheegay in ay qabteen kooxo looga shaki qabo Al-Shabaab oo doonayay in ay ka dhoofaan garoomada dalka
December 27, 2016 Baagamuudo iyo burbur dhaqaale
