Ku dhawaad 1.5 milyan oo Xujay ah oo taagan buurta Carafa si ay u gutaan acmaasha Xajka

Maka-(Puntland Mirror) Ku dhawaad 1.5 milyan oo xujay Muslimiin ah oo ka kala yimid caalamka ayaa isugu yimid buurta Carafa oo u dhow magaalada Maka ee dhulka barakaysan ee Sacuudi Caraabiya, si ay u gutaan acmaasha Xajka.

Istaagida buurta Carafo kadib marka qoraxdu ay dhacdo galabta ayaa Xujaydu ka tagayaan halkaas waxayna sii mari doonaan Mina iyaga oo dhagaxin doona Shaydaanka maalinta beri oo Isniin ah.

Dhanka amaanka Xajka ayaa aad loo adkeeyay, wardiyeyaal gashan jaagado jaale ah ayaa caawinaya Xujayda si ay u tilmaamaan, halka baabuurta booliiska iyo ciidamadu ay ay sugayaan amaanka guud ee Xujayda.

Xajka ayaa ah tiir kamid ah shanta tiir ee Islaamka, kaasoo Ilaahay subxaanahu watacaalaa uu faray Muslimiinta in ay soo gutaan.