Maxamed Axmed Caalim Tiimbaro oo maamulka Somaliland u qaabilsan gobolka Sanaag oo wareysi siiyay taleefishin maxali ah oo la dhaho Eryal TV ayaa sheegay in ciidamada jabhadaas cusub ay ku suganyihiin deegaano kuyaala gobolka Sanaag.
“Waxaa jiray ciidan yar oo meel la yiraahdo Garabcad deganaan jiray oo la oran jiray waxaa lahaa Buurmadow, ciidaankaas imminka waxaa la sheegayaa in ay u kaceen Puntland, mana ayan tagin Puntland meel isla gobolka Sanaag ah oo Xiingalool ka sokeysa ayay deganyihiin.” Ayuu yiri Tiimbaro.
Waxay noqoneysaa jabhadii labaad oo ka soo horjeeda maamulka Somaliland oo ka soo baxda gobolka Sanaag.
Boqor Buurmadow oo kamid ah hoggaamiye dhaqameedka Somaliland ayaa dhowr jeer oo hore ay xireen maamulka Somaliland.
Sanadkii 2018-kii, Siciid Cawil Caare, oo ahaa sargaal hore oo katirsanaan jiray ciidamada Somaliland, ayaa bilaabay dhaqdhaqaaq jabhadeed oo ka dhan ah maamulka Somaliland.
Jabhadda Caare ayaa maamulka Somaliland ku eedaysay eex iyo cadaalad daro ka dhan ah qabiilkooda, taasoo keentay in ay hubka qaataan.
Puntland oo maamulka Somaliland ay ku loolamayaan gobolada Sool iyo Sanaag, ayaa jabhada Caare saldhig ka siisay deegaanadeeda.
Related Posts
March 17, 2018 PSF says it killed 18 Al-Shabab fighters in Al-Madow Mountains
September 6, 2017 Dowladda Soomaaliya oo ka hadashay gacan gelintii Qalbi Dhagax ee Itoobiya – War-saxaafadeed
September 25, 2016 Madaxweynaha dowlada Puntland oo dhagax-dhigay xarun cusub oo ay yeelan doonto wasaaradda waxbarashada iyo tacliinta sare
June 20, 2017 Ciidamada Ammaanka Puntland oo madaafiic ah ku gaaracay meelaha ay ku dhuumanayaan Al-Shabaab ee kuyaala gudaha Buuraha Galgala
