Garoowe-(Puntland Mirror) Hal qof oo shacab ah ayaa ku geeriyootay Garoowe maanta oo Talaado ah kadib markii israsaasayn ay dhexmartay maleeshiyo hubaysan iyo ciidan dowladda katirsan oo galbinayay You-tuber caan ah, sida ay sheegeen ilo-wareedyo deegaanka ah.
Qofka dhintay ayaa ahayd gabar dhallinyaro ah oo lagu magacaabo Kowsar taasoo ay xabad ku haleeshay barxada oo ah goob fagaareed ku dhextaala bartamaha magaalada.
Maleeshiyada hubaysan ayaa la sheegay in ay ka caraysnayd hadalo uu horey You-tuberka Kabtan Ayuub uu u jeediyay siyaasiyiin deegaanka ah.
Dhowr qof oo kale oo ay ku jiraan ciidamo katirsan dowladda ayaa ku dhaawacantay israsaasaynta ka dhacday caasimada Puntland. Dadka dhaawacmay ayaa hadda lagula tacaalayaa isbitaalada kuyaala magaalada.
Ma jirto wax war ah oo weli ka soo baxay maamulka degmada iyo gobolka ee ku saabsan dhacdada maanta ee Garoowe.
Related Posts
April 5, 2018 Duqa Garoowe iyo golaha deegaanka oo ku heshiiyay in si wadajir ah loo wada shaqeeyo
November 16, 2016 UNICEF: 20,000 caruur ah oo iskuul la’aan ah colaada Gaalkacyo darted
May 13, 2023 Ku milanka ganacsiga haayadaha amniga Puntland ee dalalka shisheeye ay taageraan
September 6, 2017 Mareykanka oo sheegay in ay saddex dagaalyahan oo katirsan Al-Shabaab ku dileen gobolka Bay
