Garoowe-(Puntland Mirror) Guuleed Saalax Bare, oo u taagan madaxweynaha Puntland 2024 ayaa maanta soo gaaray Garoowe, halkaas oo si weyn loogu soo dhaweeyay.
Guuleed, ayaa khudbad kooban oo uu shacabka soo dhaweeyay ugu jeediyay fagaaraha Barxada, ayaa ku eedeeyay xukuumada hadda jirta ay doonayso muddo kororsi, taasoo aan marnaba la aqbali doonin.
“Waxaan rabaa in aan halkan fariin uga diro madaxweynaha iyo xukuumadiisa, iimaansada 3-da bilood ee idiin hartay, maalin la idiin ku dari mayo, mana suurtagelayso,” ayuu yiri Guuleed Saalax.
Waxa uu u jeediyay isimada in ay doorkooda qaataan, oo ay soo xulaan xildhibaanada cusub ee Puntland. “Waxaan rabaa in aan halkan fariin uga diro isimada oo ay doorkooda qaataan si Puntland ooga ilaaliyo khilaaf dastuuri ah, soona xula xildhibaanada.”
Imaanshaha Guled, oo horey u soo noqday guddoomiyihii TPEC, ayaa muujinaysa in gobolka uu galay xaalad doorasho, iyadoo 5 sanno ee madaxweyne Siciid Cabbdullahi Deni ku egtahay 8-da Janaayo 2024.
.
Related Posts
June 10, 2020 Puntland oo soo dhaweysay baaqa aqalka sare ee ah in la qabto shir wadatashi oo u dhaxeeya dowlad goboleedyada iyo dowladda dhexe
April 1, 2017 Ugu yaraan 92 qof oo ku geeriyooday roobab daad wata oo ka da’ay dalka Columbia
June 3, 2016 Deg Deg: Madaxweynaha Turkiga oo Muqdisho soo gaaray
August 15, 2016 Saddex kamid ah ciidamada Masar oo lagu dilay qarax ka dhacay gobolka Siinaay
