Laascaanood-(Puntland Mirror) Guddoomiyihii baarlamaanka maamulka Somaliland Cabdirisaaq Khaliif ayaa iska-casilay xilkii galabta oo Axad ah, sidoo kale waxa uu isca-casilay xubinimadiisii xisbiga Wadani.
Cabdirisaaq ayaa is-casiladiisa kaga dhawaaqay magaalada Laascaanood halkaas oo tan iyo bishii Febaraayo uu ku sugnaa, markaas oo uu dagaal dhiig badan ku daatay oo u dhaxeeya ciidamada SSC-Khatumo iyo Somaliland ka qarxay.
Guddoomiyihii hore kaasoo ahaa booska saddexaad ee ugu sareeya maamulka Somaliland ayaa horey u sheegay in uu la dareen yahay dadkiisa, oo ay xasuuq u geysatay maamulka Somaliland.
Ciidamada Somaliland ayaa gabi ahaanba Laascaanood laga saaray kadib dagaalo dhiig badan ku daatay, balse weli labada ciidan ayaa isku horfadhiya duleedka magaalada gaar ahaan Goojacade oo ah saldhiga ugu weyn ee Somaliland gobolka Sool ku leedahay.
Related Posts
June 26, 2019 Madaxweyne ku xigeenka Puntland oo u safray Jabuuti si uu uga qaybgalo dabaaldega maalinta xooriyada
April 12, 2019 Koox looga shaki qabo Al-Shabaab oo labo dhakhtar oo u dhashay Cuba ku afduubatay deegaanka Mandheera
September 6, 2016 Diyaarad sida qaadka Miirowga oo timid magaalooyinka Puntland iyadoo dowlada federaalka hakisay qaadka Mirowga ee Kenya
February 14, 2017 Madaxweyne Farmaajo oo si kumeel gaar ah u xanibay dhammaan akoonada ay haayadaha dowladda ku leeyihiin bangiga dhexe iyo bangiyada gaarka ah
Be the first to comment