Minneapolis-(Puntland Mirror) Murashaxa madaxweynaha xisbiga Jamhuuriga ee Maraykanka Donald Trump ayaa la filayaa inuu booqdo gobolka Minnesota maanta oo Jimce ah.
Trump ayaa la filayaa in uusan soo dhaweyn fiican ka heli doonin bulshada Soomaalida ee kunool magaalada Minneapolis ee gobolka Minnesota.
Bulshada Soomaalida ayaa calool xumo u qabta Trump oo dhowr jeer oo hore bartilmaameedsaday bulshada Muslimiinta ee Maraykanka iyo gaar ahaan Soomaalida.
Donald Trump oo dhawaan ka hadlayay gobolka Maine ayaa sheegay inuu walaac ka qabo Muslimiinta qaxootiga ah ee Maraykanka kusoo kordhaya, Trump, ayaa ku tilmaamay Soomaalida Maraykanka dagan qaxooti doonaya inay ku biiraan ururka Daacish. Wuxuuna soo jeediyay in dadka Muslimiinta laga mamnuuco dalka Maraykanka.
Donald Trump ayaa u tagaya gobolka Minnesota arrimo la xiriira ololihiisa doorashada.
Soomaalida ayaa ah qowmiyada ugu badan ee Minneapolis, waxaa lagu qiyaasay 25,000 oo Soomaali ah in ay joogaan gobolka Minnesota sanadkii 2013-ka.
Related Posts
November 8, 2016 Cod bixinta doorashada madaxtinimada Maraykanka oo bilaabmatay
July 30, 2016 Qurbajoogta Puntland oo Garoowe shir ku yeeshay
March 25, 2018 Ugu yaraan afar qof oo ku geeriyootay qarax gaari oo ka dhacay Muqdisho
April 7, 2017 Mareykanka oo weerar gantaalo ah ku qaaday Suuriya
Be the first to comment