Garoowe-(Puntland Mirror) Diyaaradaha dagaalka Mareykanka ayaa qaaday duqaymo ka dhan ah maleeshiyada ISIS ee ku sugan gudaha Puntland shalay oo Jimce ahayd, Taliska Mareykanka ee Afrika ayaa xaqiijiyay.
“Iyadoo lala kaashanayo Dowladda Federaalka Soomaaliya, ciidamada Maraykanku waxay sameeyeen laba duqeyn oo kala duwan oo ka dhan ah ISIS, waqooyi bari Soomaaliya Nov. 3, iyaga oo dilay dhowr argagixiso. Weerarka kowaad wuxuu dhacay qiyaastii saqda dhexe ee saacada gudaha Somaaliya iyada oo weerarkii labaadna uu dhacay qiyaastii 11 a.m. ee xilliga Soomaaliya.” Taliska Mareykanka ee Afrika ayaa sidaa ku yiri bayaan.
Taliska Mareykanka ee Afrika ayaa intaa ku daray in ay hadda qiimeynayaan natiijooyinka duqaynta, sida lagu sheegay war saxaafadeedka ay soo dhigeen website-kooda.
Labadii sano ee lasoo dhaafay, maleeshiyada ISIS ayaa joogtay gudaha gobolka Bari ee Puntland.
War saxaafadeedkooda, Mareykanka ayaa balanqaaday in ay sii wadi doonaan howlgalada, lagu bartilmaameedsanayo xagjiriinta iyo saldhigyadooda kuyaala dhammaan gudaha Soomaaliya.
Weerarka ayaa ahaa kii ugu horeeyay oo noociisa ah oo ka dhan ah maleeshiyada ISIS ee ku sugan Geeska Afrika, oo ay qaadeen Mareykanku.
Related Posts
May 27, 2017 Ciidamada Ciraaq oo ku sii siqaya meeshii ugu dambeysay ee Daacish ay ka heysatay galbeedka magaalada Mowsil
July 10, 2017 Khasaare lagu qiyaasay $130 milyan oo ka dhashay maqnaanshaha adeega internet-ka ee koonfurta iyo bartmaha Soomaaliya
September 14, 2019 Qarax miino oo lagu dilay masuuliyiin katirsan maamul goboleedka Hir-Shabelle
May 30, 2018 Maxkamadda ciidamada Soomaaliya oo xukun dil ah ku riday saddex xubnood oo katirsan Al-Shabaab
