Garoowe-(Puntland Mirror) Xeer ilaalinta Puntland ayaa amartay in lasoo xiro afar qof oo uu ku jiro wasiirkii hore ee maaliyadda Xasan Shire Abgaal oo lagu eedeeyay in ay ku lug lahaayeen falal amni darro oo maalmihii lasoo dhaafay ka dhacayay magaalada Garoowe.
Xeer ilaalinta ayaa sheegtay in afartan ruux lagu soo eedeeyay inay hurinayeen qalalaase, khalkhal gelin iyo qalqal gelinta amniga qaranka.
Xasan Shire Abgaal ayaa horay u soo noqday Wasiirka Maaliyadda Puntland, waxaana mar uu kamid ahaa saaxiibada ugu dhow madaxweynaha xilka hayada Siciid Cabdullahi Deni, kuwaasoo qeyb weyn ka qaatay ololihiisii 2018.
Saddexda qof ee kale ee la amray in la soo xiro ayaa lagu kala magacaabaa Maxamuud Warsame Faarax Shido, Khadar Cabdiraxmaan Faroole iyo Maxamaed Jaamac Faarax.
Related Posts
December 19, 2016 Safiirka Ruushka u fadhiyay gudaha Turkiga oo la toogtay
July 7, 2018 Ugu yaraan 10 qof oo ku dhimatay qarax ay Al-Shabaab ka geysaty Muqdisho
February 22, 2017 Leaders of neighboring countries of Somalia arrives in Mogadishu for Farmajo’s inauguration
January 21, 2018 Afhayeenka Ciidamada Daraawiishta Puntland oo sheegay in ciidankoodu uu gaari doono xadka ugu dambeeya ee ay la wadaagaan Somaliland
