Dagaalkii maanta ayaa ka dhacay deegaanada Dhoob, Higlo iyo biyaguduud ee gobolka Sanaag.
Sida ay ilo-wareedyadu sheegeen, dagaalka ayaa dhacay kadib markii ciidamada maamulka Somaliland ay weerar ku qaadeen ciidamada jabhada Caare kuwaasoo marayay deegaankaas.
Dagaalka ayaa la sheegay in khasaare uu ka dhashay soo gaaray labada dhinacba balse lama oga tirada dhabta ah.
Dhanka kale, mudaharaadyo rabshado wata ayaa ka dhacay maanta magaalada Ceerigaabo ee gobolka Sanaag. Mudaharaadka ayaa bilaabmay kadib markii dad weyne taageersan kornaly Caare ay waddooyinka isugu soo baxeen balse ciidamada Somaliland ayaa banaanbaxayaasha u adeegsaday rasaasta nool-nool.
Maahan markii ugu horeysay oo dagaal uu dhexmaro jabhada Caare iyo ciidamada Somaliland.
Kornayl Siciid Cawil Jaamac oo loo yaqaan Caare oo horey uga tirsanaan jiray ciidamada Somaliland ayaa ka goostay sanadkii 2017 waxaana uu asaasay jabahad uu ugu yeeray “dulmi diid” taasoo fadhigeedu yahay gobolka Karkaar ee Puntland.
Related Posts
December 30, 2019 Milatariga Mareykanka oo sheegay in afar dagaalyahan oo Al-Shabaab ah ay ku dileen duqeymo ka dhacay Shabeellaha Hoose
August 4, 2016 Nin Soomaali ah oo haweenay Maraykan ah mindi ku dilay gudaha magaalada London
May 25, 2019 Maleeshiyada ISIS oo sheegatay masuuliyada weerar lagu dilay labo askari oo Puntland ah oo ka dhacay Boosaaso
March 19, 2019 Afar dagaalyahan oo katirsan Al-Shabaab oo lagu dilay duqeyn uu Mareykanku ka fuliyay Shabeellaha Hoose
