Munaasabadaha dabaaldega ee ciidamada ayaa ka dhacay intooda badan gobolada dalka.
Madaxweynaha dowladda federaalka Soomaaliya Maxamed Cabdullaahi Farmaajo, ahna taliyaha guud ee ciidamada qalabka sida ayaa hambalyo u diray ciidamada, waxaana uu ugu hambalyeeyay dagaalka ay kula jiraan ururka hubaysan ee Al-Shabaab.
“Ciidankeena waxaa uu ku tallaabsadey guulo waaweyn, iyagoo duruufo adag ku shaqeynaya. Waxaan awoodnay in aan wiiqno awoodda cadowga argagixisada, taasina waxay muujineysaa niyadda, geesinimada iyo waddaninimada ciidanka. Waa hubaal in waddamo badan oo inaga xaalad wanaagsan aysan weli guulo la taaban karo ka gaarin la dagaalanka argagixisada, marka la barbardhigo ciidankeena.” Ayuu yiri Madaxweyne Farmaajo.
Ciidamada xooga dalka ayaa la asaasay 12-kii April sanadkii 1960. Burburkii kadib dalka ayaan wali yeelan ciidamo leh tababar sare oo isku dhafan.
Related Posts
October 3, 2023 Tobanaan ku dhimatay dagaal beeleed ka dhacay gobolka Mudug
March 8, 2019 Hoggaamiye dhaqameed lagu dilay magaalada Boosaaso
June 4, 2016 Xiriirka kubadda Koleyga Aduunka oo Soomaaliya usoo diray khabiir kormeeraya heerka ay mareeyso kubadda Koleyga dalku
October 16, 2016 Al-Shabaab oo sheegtay in ay qabsatay diyaarada aan duuliyaha lahayn ee Maraykanka
Be the first to comment