Sargaal dhanka ammaanka ah oo katirsan Puntland oo magaciisa qariyay ayaa warsidaha Puntland Mirror u sheegay in ciidamadu ay qaadeen howlgalo ka dhan ah maleeshiyada kuwaas oo ku dhuumaalaysanaya deegaanada buuralayda ah.
Diyaaradaha dagaalka ayaa ku lug lahaa howlgalka, kuwaas oo qaaday duqaymo, sida uu sheegay sargaalku.
Sargaalka ayaa ka gaabsaday in uu bixiyo wax faahfaahin ah oo ku saabsan khasaaraha.
Howlgalka ayaa imaanaya wax ka yar maalmo kadib markii dagaalyahano Al-Shabaab ah ay weerareen saldhig ciidan oo kuyaala tuulada Af urur ee Buuraha Galgala, weerarkaas oo ay ku dhinteen ugu yaraan 40 askari oo katirsanaa ciidamada Puntland iyo tiro kale oo dad shacab ah oo ay kamidyihiin haween iyo caruur.
Isaga oo warbaahinta kula hadlayay gudaha magaalada Garoowe shalay oo Jimce ahayd, Madaxweynaha Puntland Cabdiweli Maxamed Cali ayaa wacad ku maray in ay dagaal la heli doonaan ururada hubaysan sida Al-Shabaab iyo Daacish kuwaas oo ficilo arxan daro ah ka wada gudaha Puntland.
Related Posts
July 2, 2017 Iran oo Soomaaliya u dhoofisay ku dhawaad $30 milyan oo badeecooyin ah intii lagu guda jiray sanadkii lasoo dhaafay
July 22, 2024 Ciidamada Jubbaland oo 60 dagaalyahan oo Al-Shabaab ah ku dilay dagaal ka dhacay gobolka Jubbada Hoose
January 20, 2019 U.S. says its air strike kills 52 militants who attacked Somali base
May 7, 2017 Madaxweynaha Puntland oo agaasime cusub u magacaabay Haayada la Dagaalanka Aydhiska ee Puntland
Be the first to comment