Garoowe-(Puntland Mirror) Ciidamada Puntland iyo Somaliland ayaa suurtagal tahay in ku dagaalamaan gudaha gobolka Sanaag, sida ay sheegeen dadka deegaanka.
Dadka deegaanka ayaa warsidaha Puntland Mirror u sheegay in labada ciidan ee Puntland iyo Somaliland ay joogaan deegaanka Karin iyaga oo isku jira qiyaastii 3 kiilomitir, waxaana la filan karaan dagaal in uu ka dhex qarxo.
Gelinkii dambe shalay oo Sabti ahayd, wefdi ka socda Puntland ayaa tagay magaalada Badhan ee gobolka Sanaag, iyadoo Puntland ay wado dhaqdhaqaaq ka dhan ah dadaalada ay Somaliland ku doonayso in ay sanaadiiqda doorashada geyso gobolka.
Doorashada madaxweynaha Somaliland ayaa la filayaa beri oo isniin ah oo bishu ku beegantahay 13 November in ay dhacdo.
Wixii warar oo soo kordha la soco.
Related Posts
May 10, 2018 Puntland oo 17 maxaabiis ah oo u dhashay Iran xabsi ka sii daysay
August 25, 2019 Guddiga doorashooyinka Puntland oo doortay guddoomiye cusub
October 21, 2018 Shirka madasha maamul goboleedyada Soomaaliya oo ka furmay Garoowe
December 17, 2017 Xeer Ilaaliyaha Guud ee Soomaaliya oo baarlamaanka ka codsaday in ay xasaanada ka qaadaan xildhibaano lagu eedeeyay qaran dumis
