Howgal ka dhacay magaalada Gaalkacyo oo ay ka qeybgaleen qeybta 21-aad ee ciidanka Danab ee Dowladda Federaalka Soomaaliya ayaa lagu dilay madaxii qaraxyada oo Al-Shabaab u qaabilsanaa gobolka Mudug, sida lagu sheegay war-saxaafadeed kasoo baxay PSF oo lagu daabacay boggooda Facebook maanta oo Sabti ah.
Ninka la dilay oo sawirkiisa lagu daabacay bogga PSF ee Facebook, ayaa ciidanku ku sheegeen in uu ka dambeeyay qaraxyo badan oo ka dhacay gobolka Mudug gaar ahaan magaalada Gaalkacyo.
Qaraxii ugu dambeeyay ee Gaalkacyo oo dhacay 17-kii May ayaa lagu dilay guddoomiyihii gobolka Mudug ee Puntland Axmed Muuse Nuur, kaasoo ay maleeshiyada Al-Shabaab sheegatay masuuliyadiisa.
Related Posts
August 30, 2017 ugu yaraan hal dagaalyahan oo lagu dilay kadib markii maleeshiyo looga shaki qabo Al-Shabaab ay weerareen saldhig ay ciidanka Puntland ku leeyihiin gobolka Mudug
February 11, 2018 War-murtiyeed: Kulanka Golaha Amniga Qaranka ee ka socday Muqdisho oo lasoo gabagabeeyay
May 3, 2019 Raysulwasaaraha dowladda federaalka Soomaaliya Xasan Cali Khayre oo Garoowe yimid
February 8, 2019 Puntland police force launch security operation in Bosaso town
