Milatariga Pakistan ayaa ku eedeeyay ciidamada Hindiya in ay madaafiic soo rideen Arbacadii shalay iyadoo aan la daandaansan, madaafiicda ayaan khasaare weyn samayn.
Kadibna ciidamada Pakistan ayaa jawaab celin ka bixiyay madaafiicda iyagoo dhanka Hindiya ku ganay madaafiic culus.
Deegaanka ay Muslimiinta u badanyihiin ee Kashmir ayaa waxaa sheegta lahaanshihiisa labada dal ee Hindiya iyo Pakistan. Labada dal ayaa saddex jeer ku dagaalamay halkaas tan iyo sanadkii 1947-dii.
Xiisada ugu dambaysay ee u dhaxaysa labada dal ee nukleerka haysta oo dariska ah ayaa daba socotay dilka 18 askari oo Hindi ah oo lagu dilay xadka u dhaxeeya labadaas dal, koox falaago ah oo dhanka Kashmiirta Pakistan kasoo duushay ayaa looga shaki qabaa in ay weerarkaas qaadeen.
Iyadoo jawaab celin ka bixinaysa, milatariga Hindiya ayaa sheegay in ay qaadeen howlgalo duqayn ah oo ka dhan ah waxay ugu yeereen “unugyo argagixiso” oo fadhigoodu yahay dhanka xadka Pakistan. Pakistan ayaa diiday sheegashada Hindiya waxayna ku tilmaamtay dhalaanteed.
Related Posts
February 22, 2017 Farmajo inaugurated as the 9th President of Somalia
July 5, 2023 Siyaasiyiin hore oo wada dadaadlo xal-raadinta khilaafka siyaasadeed ee Puntland iyadoo khilaaf ka taaganyahay shirguddoonka isimada
November 23, 2018 NISA oo miinada dhulka lagu aaso ku fashilisay gudaha Muqdisho
July 4, 2017 Waqooyiga Kuuriya oo tijaabisay gantaal rido dheer
Be the first to comment