Garoowe-(Puntland Mirror) Ciidamada booliiska Puntland ayaa soo qabtay xubin sare oo katirsan kooxda Daacish/ISIS oo lagu magacaabo Axmed Xuseen Ibraahim kadib howlgal ka dhacay meel u dhow degmada Uffeyn ee gobolka Bari, sida ay ciidamada ku sheegeen war-saxaafadeed ay ku daabaceen boggooda Facebook maanta oo Arbaco ah.
“Hor-joogaha la qabtay ayaa ku soo aaday xilli kooxda argagixisada ee ISIS/Daacish kordhiyeen xubnaha Ajenibta ee kaga imanaya dalalka shisheeye si ay uga dhinac dagaalamaan. horray ciidanka booliska waxay hawl-galo ku dileen kuna qabteen xubno ka tirsan Kooxda Daacish oo u dhashay dalalka Suuriya, Suudaan, Itoobiya, Yemen iyo kuwa u dhashay Koonfurta Dalka Soomaaliya.” Ayaa booliiska ku sheegeen war-saxafaadeedka.
ISIS ayaa tan iyo 2015 ku dhuumanaysay deegaano kuyaala gobolka Bari. Maleeshiyada ayaa sanadihii u dambeeyay weeraro khaarajin ah iyo qaraxyo ka geysatay deegaanada Puntland gaar ahaan xarunta ganacsiga ee Boosaaso.
Related Posts
November 23, 2019 AMISOM oo sheegay in ay fureen baaris ku saabsan dilkii Almas Elman
February 6, 2018 Shir u dhaxeeya dowladda federaalka Soomaaliya iyo dowlad goboleedyada oo ka furmay Muqdisho
July 2, 2016 Shiikh Muqdisho lagu dilay
August 11, 2018 Ciidamada Dowladda Federaalka Soomaaliya oo sheegay in saraakiil sare oo katirsan Al-Shabaab lagu dilay Shabeellaha Hoose
Be the first to comment