Ciidamada Ammaanka Puntland ee PSF oo sii wada howlgalka nadiifinta ah ee ka dhanka ah maleeshiyada ISIS ee gobolka Bari

Qoraal ay boggooda Facebook-ka soo dhigeen, PSF ayaa sheegtay in ay weerarayeen meelaha ISIS joogto ee kuyaala buuraha Cal Miskaat iyo Cal Madow ee gobolka Bari tan iyo asbuucii lasoo dhaafay.

PSF ayaa bilowday howlgalkooda ka dhanka ah maleeshiyada asbuucii hore, kadib duqayntii Mareykanka eek a dhanka ahayd ISIS ee deegaanka Buqa ee gobolka Bari.

Ciidamada PSF ayaa intaas ku dartay in ay sii wadi doonaan howlgalka ilaa maleeshiyada laga soo afjarayo.