Garoowe-(Puntland Mirror) Booliska Puntland ayaa sheegay in dhammaan gaadiidka la joojin doono maalinta doorashada dowladaha hoose oo ka bilaabaneysa Arbacada 6:00 Maqribnimo ilaa Sabtida 6:00 Subaxnimo.
Doorashada dowladda hoose ee Puntland ayaa dhici doonta 25-ka May, sida ay qorsheeyeen Guddiga Kumeelgaarka ah ee Doorashooyinka Puntland.
Ku dhawaad nus milyan qof oo ku nool in ka badan 30 degmo ayaa soo dooran doona golahooda deegaanka oo ka imaanaya todobo urur siyaasadeed oo tartamaya, kuwaas oo saddexda urur ee hela codadka ugu badan ay noqon doonaan xisbiyada rasmiga ah ee Puntland.
